聽講小粉紅吹風抵制維他，沒有比群眾杯葛更能令企業害怕。好彩能夠喺神州大地生存嘅企業，有多項先天優勢，對抗抵制並不為難。
一、柔軟腰骨
企業操守，喺杯葛時往往好重視，實際上小粉紅非常開明，只要略為跪低，喺口交部攞張Bingo紙，堅決反對、一個中國、不容分裂、配合調查，用呢堆神奇詞彙，馬上能屈能伸，對外能企硬，對內能屈服，小粉紅見到就會對號自我安慰，乜事都無。
二、金魚記憶
喺資訊碎片化嘅今日，事件本已不容易保存。無論幾血腥，幾驚天動地，短短幾日足以忘記得一乾二淨，你睇下幾多人着住Nike去買H & M，抵制品牌和抵制慾望的角力，後者經常迅速獲勝。成日笑人滿口謊言，至少身體是誠實的，加上每日都有人辱華，實在記唔到咁多，有咩人可以將世界品牌背晒一次？所以都唔應該笑人。
三、山寨神盾
要準確抵制一個品牌，喺其他地方會容易得多。牆角之內，每個品牌都有諸多分身，幻術堂而皇之咁迷惑，要精準喺貨架上搵出品牌真身抵制，少啲智慧都唔掂，一般人想抵制實在很難。換句話講，能夠生存嘅品牌，本身都面對住抵制挑戰，正版無論點變，都立馬有另一個自己走入市場挑機，不嬲都俾人抵制緊，特登發起新抵制，只會令正版更耀眼。
每個人，每個企業，都必經三大階段：出生、辱華、死亡，維他總算成長到新階段，亦成功令大中華小粉紅學習邊盒係正版維他，百利而無一害。
維他裏的唯他，我哋唔會輕易忘記你。
Search